Տուր դեպի Եգիպտոս

հարցում կատարեք այս հղումով

 

Բոլոր խորհուրդները

 



Հայաստան Եգիպտոս տուր փաթեթ ամրագրողին չէ միայն, որ կհետաքրքրի



Հավանաբար չգտնվի մեկը, ով իրեն հարց տված չլինի, թե «որո՞նք են ինքնաթիռում լավագույն

Հավանաբար չգտնվի մեկը, ով իրեն հարց տված չլինի, թե «որո՞նք են ինքնաթիռում լավագույն տեղերը»: Այս հոդվածում կտեղեկացնենք:

Թռիչքից առաջ գրանցվելիս կարող են հարցնել, թե որտեղ եք ցանկանում նստել: Եթե այդ մասին չեն հարցրել, ապա ասեք ինքներդ: Տեղերի առկայության պարագայում ձեզ չեն մերժի: Հնարավորությունը մեծ է այն մարդկանց մոտ, ովքեր օդանավակայան են ժամանում ավելի վաղ` գրանցման հենց սկզբից:

Բացի դրանից, շատ ավիաընկերություններ առաջարկում են check-in օնլայն ծառայությունը, այսինքն՝ ավիաընկերության կայքում նախնական գրանցում (Հայաստանից Եգիպտոս թռիչքին, ցավոք, օնլայն check-in-ի հնարավորություն չկա): Սովորաբար նման հնարավորություն ընձեռվում է թռիչքից մեկ օր առաջ, մինչդեռ որոշ ավիափոխադրողներ թույլատրում են դա անել ավելի վաղ. ավիատոմսը գնելուց անմիջապես հետո: 

Կարևոր է իմանալ այս կամ այն նստելատեղի առավելությունները և թերությունները:

Տեղի ընտրությունը կախված է ձեր տոմսի կարգից: Ընտրությունը, ինչպես գիտեք, պետք է կատարել միայն ձեր կարգի նստելատեղերի սահմաններում:

Առաջին և բիզնես կարգերը միշտ գտնվում են սրահի սկզբում: Ահա և դուք կմտածեք, որ պետք է ընտրել տեղեր առջևում, բիզնես կարգին ավելի մոտ մասերում:
Համաձայն վիճակագրության` մարդկանց գրեթե կեսը նախընտրում է նստել ինքնաթիռի քթի հատվածում, մնացածը` մեջտեղում կամ վերջում: Ուղևորների ¼-ը նախընտրում են նստել միջանցքի մոտ, մնացածը գերադասում են պատուհանը: Անդրադառնանք դրանցից յուրաքանչյուրին:

Պատուհան, թե միջանցք
Եթե դուք թռչում եք առաջին անգամ կամ սիրում եք գեղեցիկ տեսարաններ, ապա պատուհանի մոտ նստելը ձեզ համար իդեալական կթվա: Օրվա լուսավոր կեսին ամպերի միջից կարելի է դիտել շքեղ բնապատկերներ: Տեղանքից կախված` գեղեցիկ կարող են երևալ լեռները, լճերը, գետերը և ծովերը: Թռիչքի ժամանակ Երկրագնդի օբյեկտները դժվար են տարբերվում, սակայն լեռնագագաթները ամպերի հետ մեկտեղ "նկարում են գեղեցիկ նկարներ": Գիշերային ժամերին տպավորիչ են մեծ քաղաքները հազարավոր լույսերով:
Պատուհանի մոտ նստելը կգրավի նաև ընթերցողներին, քանզի այն ապահովում է հավելյալ լուսավորություն: Եթե ցանկանում եք մի լավ քնել թռիչքի ընթացքում, ապա այստեղ ձեզ ոչ ոք չի խանգարի: 

Միջանցքին մոտ նստելը կգրավի անհանգիստ ուղևորներին: Յուրաքանչյուր պահի կարելի է ոտքի կանգնել և քայլել: Բացի դրանից, եթե այս կամ այն հանգամանքից դրդված պետք է հաճախ օգտվեք սանհանգույցից, ապա ավելի լավ է դա անել առանց հարևանին անհանգստացնելու:
Հաճախ միջանցքի մոտ նստում են այն մարդիկ, ովքեր շտապում են և ցանկանում են վայրէջքից հետո առաջինը դուրս գալ ինքնաթիռից:
Եթե դուք բարձրահասակ եք, ապա հենց այստեղ կարող եք ազատ երկարացնել ձեր ոտքերը: 

**
Երկար ոտքեր ունեցողներին հարմարավետ կլինեն նաև վթարային ելքերի մոտ գտնվող աթոռները: Նման տեղերի դիմաց բացակայում են այլ աթոռները: Սակայն նման տեղերը հասանելի չեն մեծահասակների կամ երեխաների հետ թռչող ուղևորների համար: Ավիաընկերությունները ձգտում են այստեղ նստեցնել երիտասարդ և ակտիվ մարդկանց, ովքեր կկարողանան ճիշտ գործել էքստրեմալ իրավիճակներում: 

**
Ամենից քիչ պահանջված են մեջտեղի աթոռները: Այստեղ կա երկու կողմից անդադար զրուցող ուղևորների առկայության մեծ հավանականություն:
Այս աթոռները նպաստավոր են այն մարդկանց համար, ովքեր վախենում են թռչել: Այլ մարդկանց միջև նստելը կարող է հանգստացնել: Բացի դրանից, կարելի է պատկերացնել զվարճանքի այգում որևէ ատրակցիոն:

Ինքնաթիռի քթային հատվածը 
Ինքնաթիռի սրահի առաջնամասում հարմարավետությունը որոշվում է երկու գործոնով: Ինքնաթիռի կառուցվածքից ելնելով. նրա առաջնամասն ավելի լայն է, իսկ դա նշանակում է, որ աթոռների հեռավորությունն ավելի մեծ է: Բացի դրանից, քթային հատվածում ավելի քիչ է լսվում շարժիչի ձայնը:

Առավելություններին կարելի է ավելացնել, որ նախաճաշի, ճաշի, ընթրիքի ժամանակ առաջինը սպասարկվում են նրանք, ովքեր նստած են առաջնամասում, իսկ հետնամասում նստածները պետք է երկար սպասեն:

Առջևի աթոռները նաև հնարավորություն են տալիս դուրս գալ ինքնաթիռից վայրէջքից անմիջապես հետո: 

Սակայն նստատեղերի հեռավորությունը հանգեցնում է փոքրիկ երեխաների "օրորոցների" առկայությանը: Եթե դուք այստեղ նստեք, ապա ձեր ամբողջ թռիչքը կարող է ուղեկցվել երեխաների լացի ձայնով:

Ինքնաթիռի թևերի հատվածը Ամենից առաջ հարկ է նշել այս մասի հիմնական առավելությունը՝ տուրբուլենտության ժամանակ նվազագույն ցնցում: Թևերի պրոեկցիան ինքնաթիռի ամենակայուն հատվածն է: 

Այս մասի տեղերը ամենից շատ համապատասխան են չափազանց զգայուն մարդկանց: Եթե դուք վախենում եք բարձրությունից կամ տառապում եք "աերոֆոբիայով" (ինքնաթիռով թռչելու վախ), ապա թևերի մոտ նստելը նվազեցնում է վախը:

Ինքնաթիռի պոչային հատվածը
Պոչային հատվածի գլխավոր առավելությունը այն է, որ սրահի ոչ լիակատար բեռնվածության դեպքում մեծ է այս հատվածում ազատ տեղերի առկայության հնարավորությունը: Այդ պատճառով կարող եք ազատ նստել՝ օգտագործելով մի քանի աթոռներ: Երբեմն նույնիսկ կարող եք քնել դրանց վրա: 

Երբ ինքնաթիռը իրականացնում է կտրուկ շրջադարձեր, դա ամենից քիչն են զգում վերջում նստողները: Հետևաբար, դա ևս առավելություն է: 

Եթե շատ եք մտածում ձեր անվտանգության մասին, ապա կարող ենք ասել, որ վիճակագրությունը փաստում է՝ արտակարգ վայրէջքի կամ անկման ժամանակ ինքնաթիռի ամենաանվտանգ գոտին համարվում է պոչը: 

Այժմ՝ թերությունների մասին: 
Ինքնաթիռի կառուցվածքից ելնելով` հետևամասում տեղերն ավելի քիչ են, հետևաբար շարքերն ավելի նեղ են: 

Անկասկած, թերություն է նաև շարժիչի ամենաբարձր աղմուկը և տուրբուլենտության ամենամեծ ցնցումները:
Սակայն եթե աղմուկը ձեր համար այդքան էլ կարևոր չէ, առավելություն կարող է թվալ սանհանգույցի մոտ լինելը: Կարելի է նույնիսկ նստած տեղից հետևել հերթին: 😆

Իհարկե ցանկալի է չհայտնվել ամենավերջին աթոռին, քանզի այդ աթոռների հենակները բացվելու հնարավորություն չեն ունենա: Երկար թռիչքների ժամանակ դա կարող է խաղալ բավականին մեծ դեր: Նման աթոռներ կարող են լինել նաև վթարային ելքերի մոտ:

***
Եթե, այնուամենայնիվ, ինքնաթիռ բարձրանալիս հասկանաք, որ ձեզ լավագույն տեղը բաժին չի ընկել, ապա բոլոր ուղևորների սրահ բարձրանալուց հետո կարող եք փնտրել ազատ աթոռներ կամ դիմել ուղեկցորդուհիներին: Boarding completed հայտարարությունից հետո սովորաբար մի քանի րոպե ժամանակ են տալիս նստելու համար: Կարող եք այդ ժամանակ արագորեն փնտրել ազատ աթոռներ: Ուղեկցորդուհուն կարող եք կանչել այն դեպքում, երբ մոտակայքում ազատ աթոռ չեք գտնում:

Հարցերի դեպքում՝ զանգեք մեզ 055 007 493 հեռախոսահամարով:

~ Հայաստան Եգիպտոս տուր փաթեթի հարցումն արա՛ այստեղ. www.Egiptos.am


Կիսվեք սոց. ցանցերում



ՎԵՐՋԻՆ 3 ԽՈՐՀՈՒՐԴՆԵՐԸ
Բոլոր խորհուրդները կարդալու համար անցեք հղումով. EGYPTOS